Madaxweynaha dalka Itoobiya Mulatu Teshome, ayaa beri oo khamiis ah lagu wadaa in uu hortago Baarlamaanka dalkaasi Itoobiya kana hor cadeeyo in uu iska casilay xilka Madaxweyne.
Madax-xafiiseedka xiriirka Baarlamaanka federaalka Itoobiya ayaa warbaahinta u xaqiijiyey in Madaxweyne Mulatu Teshome uu beri hortagayo Baarlamaanka una gudbin doono iscasilaadiisa.
Baarlamaanka dalka Itoobiya ayaa lagu wadaa isla beri in ay doortaan Madaxweyne cusub uu dalkaasi yeesho marka uu is casilo Madaxweynaha talada dalkaasi hada haya oo la xaqiijiyay in uu shaqada ka tagayo.
Lama oga wali sababta uu isku casilayo Madaxweynaha dalka Itoobiya , waxa uuna Mulatu Teshome Madaxweyne ka ahaa dalka Itoobiya mudo afar sano ah waxaana u harsanaa hal sano.
Itoobiya ayaa yeelaneysa Madaxweynihii shanaad ee dalkaasi maamula waxii ka dambeeyay sanadkii 1991-dii oo dalka Itoobiya laga eryay maamulkii kaligiis taliska ahaa uu hogaaminayay Mengistu Haile Mariam.
