Maamulka Somaliland ayaa dedaal badan ku bixinaya sidii ay u heli lahaayeen aqoonsi ay ku helaan dowlad madax-bannaan, waxa ayna marar badan waddamada caalamka ka codsadeen in ay u aqoonsadaan dowlad gaar ah.
Wasiir Ku-xigeenka Wasaaradda Arrimaha Dibadda iyo iskaashiga caalamiga ah ee Somaliland, Marwo Rooda Jaamac Cilmi, ayaa qoraal ay soo saartay ku sheegtay in biyaha Somaliland aysan ka jirin burcad-badeed ayna tahay marin nabad ah.
Waxa ay sheegtay in sheegtay in Somaliland ay ahmiyad weyn siinayso bedqabka iyo ilaalinta baddeecadaha ganacsi ee caalamiga ah ee maraya gacanka Cadmeed, gaar ahaan maraakiibta sida shiidaalka iyo gaasta, si looga ilaaliyo burcad-baddeeda iyo argagixisada.
Wasiir Roodo Jaamac ayaana ka codsaday waddamada caalamka in Somaliland u aqoonsadaan dowlad ka madax-bannaan Soomaaliya inteeda kale, si ay ula dagaallamaan burcad-badeeda iyo argagaxisa dhibka ku haya qeybo kamid ah geeska Afrika.
Rooda Jaamac waxa ay ku boorisay dalalka caalamka ee danaynaya muhiimada marinka gacanta Cadmeed in ay wax ka beddelaan siyaasadooda,kana shaqeeyaan inay xiriir wax ku ool ah la yeeshaan Somaliland oo ay yaqiinsadaan aqoonsiga madax-bannaanideeda.
Ugu Dambeyn wasiir kuxigeenka Arrimaha Dibadda Somaliland ayaa ka digtay cawaaqib-xun oo ka dhalan kara saameyn xuna ku yeesha geeska Afrika, haddii waddamada caalamka ay dayacaan aqoonsiga Somaliland.
Xafiiska Shabakada Allbanaadir.com
Muqdisho Somalia
Allbanaadir@live.com
