Allbanaadir.com
NEWS

Ciyaaryahan Muslim ah oo dacwad sumcad dil ah ka gudbiyay Wariye caan ah

Ciyaaryahanka heerka caalami ee dalka Jarmalka iyo kooxda Real Madrid Antonio RĂ¼diger ayaa dacwad sumcad dil ah ku soo oogay wariye ku eedeeyay inuu taageeray xagjirnimada Islaamka.

Daafaca xulka qaranka Germany iyo kooxda Real Madrid ee Antonio RĂ¼diger iyo xiriirka kubbada cagta Germany ee DFB ayaa bilaabay dacwado dhanka sharciga ah oo ka dhan ah tafatirihii hore ee wargeyska BILD kaas oo ku eedeeyay ciyaartoyga inuu taageero u muujiyay xagjirnimada islamka ah qoraal uu soo dhigeen bartiisa bulshada bilashadii bisha Ramadaanka.

Antonio RĂ¼diger ayaa ah Muslim ku dhaqma diinta Islaamka, waxaana uu ka mid yahay daacafyada maanta ugu wanaagsan kubadda cagta ee caalamka, waana nin ku faana islaanimada.

 

 

11-kii Maarso, bilowgii bisha soonka, RĂ¼diger waxa uu soo dhigay sawir isaga oo ku jilba joogsan sijaayadda salaada oo xiran khamiis cad oo fartiisa midig uu kor u taagayo, oo ay la socoto ciwaan: “Ramadaan Mubaarak dhamaan muslimiinta caalamka waxaan leenahay allaha naga aqbalo soonkii iyo ducadaba.

Laba toddobaad ka dib markii uu farta taagey, ayaa RĂ¼diger loo magacaabay safka hore ee ciyaartii Faransiiska ee Jarmalka guushu ku raacdey guushii 2-0, saxafiga Julian Reichelt, tafatirihii hore ee wargeyska Jarmalka ee BILD, qoraal uu ka qorey wuxuu qabsaday baraha bulshada ee X, isagoo ku andacoonaya in farta RĂ¼diger ee kor loo taagay ay ka dhigan tahay ficil Islaami xagjir ah.

RĂ¼diger iyo Xiriirka Kubadda cagta ee Jarmalka ee DFB waxay qaadeen tallaabo maalintii Isniintii, wuxuu u gudbiyay kiis dacwad oogayaasha Berlin oo la xiriirta sumcad-dil, kicin iyo nacayb, sidoo kale Xiriirka kubadda cagta ee jarmalka DFB oo kiiska u gudbiyay Qaybta Dhexe ee Xakamaynta Dembiyada Internetka ( ZIT) ee Frankfurt.

W/Q Hanad Askar

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Daawo Sawirada: Dhaqaatiir Ajaaniib ah oo sameenaysa Qaliino iyo Daaweyn kala duwan oo Muqdisho timid

Cabdi Cade

Muwaadin Soomaaliyeed oo ku hanjabay in uu qarax fulinayo oo Xabsi la dhigay 

Cabdi Cade

Madaxweyne Farmaajo & dhigiisa Erdogan oo khadka telefanka ku wada hadlay

Caydiid Ali
Taboola Ads ---