Dagaallamayaal katirsan kooxda Al Shabaab ayaa shalay galab weerar gaadmo ah ku dilay askar badan oo katirsan ciidanka nabad sugida Soomaaliya, kaddib weerar gaadmo ah ay la beegsadeen.
Sida aan wararka ku helnay kolonyo gaadiid ah ay wateen ciidanka Nabad Sugida Soomaaliya ayaa weerar gaadmo ah kala kulmay dagaallamayaal katirsan Al Shabaab , xilli ay ciidanka marayeen beeraha Afgooye gaar ahaan deegaanka Jambaluul.
Weerarkan ayaa Al Shabaab ku dileen saraakiil katirsan ciidanka nabad sugida iyo askar, waxaana meydadka xubnahaasi la dilay qaarkood la sheegay in Al Shabaab horey usii qaateen kuna soo bandhigeen warbaahintooda.
Ciidanka dowladda ayaana qaaday weeraro kale ay ku doonayeen in ay kusoo qaataan saraakiisha iyo askarta laga dilay, waxaana ciidanka ku adkaatay in ay soo qaataan meydadka askarta laga dilay qaarkood.
Diyaaradaha dagaalka Mareykanka ayaana si deg deg ah duqeymo ula beegsaday kooxdii Al Shababa katirsaneyd ee weerarka ku qaaday ciidanka dowladda, waxaana duqeynta la sheegay in dhimasho badan kasoo gaartay Al Shabaab iyo dad kale oo shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
