Madaxweynaha maamulka Hirshabeelle mudane Cali Cabdullaahi Xuseen (Cali Guudlaawe) ayaa maanta dhagax-dhiggay waddada isku-xirta garoonka diyaaraddaha ee Maxamed Dheere iyo magaalada Jowhar.
Masuuliyiinta shirkadda u xil-saaran dhismaha waddadan maanta la fhagax-dhigay ayaa madaxweynaha Hirshabelle u sheegay in ay diyaar u yihiin dhismaha waddada ayna muddo kooban shaqadasai kusoo gabagabeyn doonaan.
“Sannad iyo bar oo dagaal ah kaddib dowladda Hirshabeelle isku-tashi ayay ku dhisaneysaa deegaanadeeda. Alle ayaa mahad leh oo maanta noo suurageliyay inaan biloowno dhismaha waddada xiriirisa garoonka iyo magaalada Jowhar.”ayuu yiri Cali Guudlaawe
Madaxweynaha maamulka Hirshabeelle ayaa shacabka Hirshabeelle ugu baaqay inay maamulkooda garab istaagaan kana qeyb qaataan dib u dhiska iyo hurumarka deegaannada maamulka ka taliyo.
Xafiiska Shabakada Allbanaadir.com
Muqdisho Somalia
Allbanaadir@live.com
