Ciidanka Kumaandoska Danab ee Xoogga dalka ayaa sheeay iney howlgal qorsheysan ku burburiyeen fariisimo al shabaab ku lahayeen degaanka Cali Yabaal oo hoostaga degmada Ceeldheer.
Taliyaha horinta gaashaaman ee kumaandooska Danab Ismaciil Baaryare Cali oo howlgalka hoggaaminayay ayaa sheegay in ujeedka uu ahaa burburinta goobo al Shabaab kaga dhuumaanayeen degaanka Cali Yabaal.
Ismaciil Baaryare Cali ayaa sheegay iney khasaare xoogan u gesyteen Al Shabaab, haatana ay ku daba jiraan firxadkooda sida uu yiri.
Lama hayo faahfaahin dheeraad ah oo ku saabsan howlgalkan iyo khasaaraha ka dhashay.
Ciidamada dowlada ayaa la tacaalaya dagaalyahano ka tirsan Al shabaab oo ku haray gobolada Galgaduud iyo Mudug oo mudooyinkan ay ka socdeen howlgalo kooxda looga saaray inta badan degaanadii ay ka joogeen.
