Wasaaradda Arrimaha Gudaha ee Soomaaliya iyo Hey’adda Interpeace ayaa maanta kala saxiixday isafgarad istaraatiiji ah oo la xiriira nabad-dhiska, waxaana heshiiska kala saxiixday Wasiirka Arrimaha Gudaha Axmed Fiqi iyo Itonde Kakoma oo ah madaxweynaha Interpeace.
Heshiiskan oo la xiriira horumarinta hannaanka dhab u heshiisiinta Qaran ayaa waxaa qeyb ka ah howlaha kor loogu qaadayo isdhexgalka bulshada, wada noolaashiyaha, sookabashada iyo guud ahaan arrimaha dib u heshiisiinta.
Wasaaradda Arrimaha Gudaha Soomaaliya iyo Hay’adda Interpeace ayaa lagu wadaa in iskaashaadaan awoodsiinta bulshada qeybaheeda iyo hey’adaha dowladda ee kashaqeeya arrimaha nabadda.
Wasiirka Arrimaha Gudaha Axmed Macallin Fiqi oo madasha ka hadlay ayaa faahfaahiyay waxa uu ka dhigan yahay isafgaradkan “ Waxaan ku faraxsanahay iskaashigan aan la yeelaneyno Interpeace, oo ah suurogelinta bey’ad ku habboon nabadda iyada oo laga duulayo tiirarka hannaanka dhab u heshiisiinta qaran, taas oo muhiim u ah Xasillinta Soomaaliya”.
Dhankiisa, Madaxweynaha hay’adda Interpeace Itonde Kakoma ayaa ka hadlay ahmiyadda heshiiska, waxa uuna sheegay in iskaashigan yahay tallaabo muhiim ah loo qaaday ballanqaadyadeenna ku aaddan hannaanka dhab u heshiisiinta Qaran.
Xafiiska Shabakada Allbanaadir.com
Muqdisho Somalia
Allbanaadir@live.com
