Guddoomiyaha gobolka Banaadir ahna Duqa magaalada Muqdisho Mudane Yuusuf Xuseen Jimcaale (Madaale) ayaa kulan gaar ah la qaatay safiirka dowladda Qatar u fadhiya Soomaaliya Dr. Cabdalla Bin Saalim Al-Naciim
Kulanka labada masuul dhax maray ayaa looga wada hadlay arrima dhowr ah oo ay ka mid yihiin dargalinta heshiisyadii horey u gaareen Soomaaliya iyo Qatar oo ay ugu horeyso mataaneenta magaalooyinka Muqdisho iyo Doxa.
Duqa Muqdisho ayaa sidoo kale Danjiraha dowladda Qatar kala hadlay dib u cusbooneysiinta mashaariicda lagu hor-marinaayo dib-u-dhiska Caasimadda, gaar ahaan dhismaha waddooyinka iyo kaabayaasha kale ee dhaqaale.
Guddoomiyaha gobolka Banaadir ayaana kaga mahad-celiyay Boqortooyada Qatar kaalinta hagar la’aanta ah oo ay marwalba la garab taagan tahay shacabka iyo dowladda Soomaaliya, waxa uuna rejo ka muujiyay hir-gelinta heshiisyadii horey u dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
