Wararka ka imaanaya madaxtooyada maamulka Puntland ee kutaalla magaalada Garawe ayaa sheegaya in halkaasi si weyn looga dareemayo dhaq dhaqaaqyada magacaabista golaha cusub ee wasiiradda maamulkaasi.
Madaxweynaha Puntland Siciid Cabdullaahi Deni ayaa la sheegay in uu soo gabagabeeyay la tashiyo ku aadan magacaabista golaha wasiiradda, waxaana diyaarsan liiska xubnaha kamid noqopnaya xukuumadda cusub ee Puntland.
Muddo soddon cisho ah oo horey Baarlamaanka Puntland u siiyeen madaxweyne Siciid Deni si uu usoo dhiso xukuumad cusub ayaa maanta ku eg, waxaana la filayaa galabta ilaa caawa in madaxweyne Deni ku dhawaaqo golaha cusub ee wasiirrada Puntland.
Xukuumadda cusub uu soo dhisayo Madaxweyne Deni ayaa la sheegay in ay ka balaaran tahay tii hore u jirtay, waxaana lagu soo daray sida aan xogta helnay wasaarado cusub, iyadoona sidoo kale siyaasiyiin miisaan culus kamid noqon doonaan xukuumadda cusub.
Qaar kamid ah musharaxiintii xilka madaxweynaha kula tartantay Siciid Deni ayaa wararka sheegayaan in ay kamid noqon doonaan liiska golaha cusub ee wasiirrada Puntland, si Deni uu u kasbado taageerada dhinacyadii mucaaradka ku ahaa.
Xafiiska Shabakada Allbanaadir.com
Muqdisho Somalia
Allbanaadir@live.com
