Maxkamadda degmada Hargaysa ee maamulka Somaliland ayaa maanta saddex sannadood oo xarig ah ku xukuntay haweenay lagu eedeeyay in ay u gaftay diinta Islaam aflagaadana u geesatay Ilaahey.
Haweeneydan oo lagu magacaabo Huda Cawaale Xirsi ayaa dhawaan waxaa gacanta kusoo dhigay ciidamada booliiska maamulka Somaliland, waxa ayna booliiska baaris kaddib u gudbiyeen maxkamadda Hargeysa oo maanta xukun ku riday haweeneydan.
Maxkamadda degmada Hargeysa ayaa sidoo kale min sannad iyo lix bilood oo xarig ah ku xukuntay laba dumara oo iyana lagu eedeeyay in ay la socdeen Huda ayna ku kaceen falal dhaqan-xumo la xariira.
Deegaannada maamulka Somaliland waxaa muddooyinkan dambe kusoo badanaya dhallinyarada ku kacaya falalka dhaqan-xumada la xariira sidoo kale u gafaya diinteena suuban ee Islaamka.
Xafiiska Shabakada Allbanaadir.com
Muqdisho Somalia
Allbanaadir@live.com
