Maxkamadda darajada koowaad ee ciidamadda qalabka sida ayaa xukunno isugu jira dil iyo xabsi ku riday askar iyo rag kale oo loo heesto in dil iyo dhaawac u geesteen dad shacab ah oo waddo ku safrayay.
Maxkamadda ayaana ku heshay dambi isugu jira dil iyo dhaawac in dad shacab ah u geestaan labadan askari oo kala ah dable xoogga Arwaax Ibraahim Axmed iyo Axmed Ibraahim Axmed in dad shaca ah u geesteen. Halka Axmed Ibraahim Axmed iyo Abshir Axmed Xasan Cabdi Jalaf (Oo Maqane ah) iyagana loo haysto gacansiin dambi iyo isku day dhac iyaga oo wadayaal ka ahaa labo mooto Fekon oo lagu geeyay gacankudhiiglayaasha.
Askartan ayaana xeer ilaalinta maxkamadda ku eedeysay dembiyada kala ah dil bareer ah, dhaawacyo, qalqal-gelin shacab, jidgooyo, ka tagis goob shaqo, isku day dhac iyo qasaaro soo gaaray gaari ay ku rasaaseeyeen uuna lahaa dhibane Aadan Cabdi Cusmaan, ayna ku dhinteen marxuumiinta kala ah Cabdullahi Maxamed Gacal iyo Shukri Axmed Weheliye, kuna dhaawacmeen dhibanayaal Guuleed Ibraahim Hiloowle oo 16 jir ah, iyo Kaaho Cabdulle Caddow, falkaas oo ka dhacay tuulada Xabaal Duub oo ka tirsan deegaanka Maxaa Saciid ee hoostagta degmada Cadalle kow iyo labaatankii bishii Augost 2023.
Garsoorka Maxkamadda Ciidamada oo waqti ku filan siiyay dhinacyada dacwadda ayaa ugu dambayn ku kala xukuntay:
1- Ex dable xoogga Arwaax Ibraahim Axmed iyo Ex dable xoogga Maxamed Shariif Rooble Maxamuud (oo maqane ah)ayay maxkamadda kuwada xukuntay dil toogasho, ahna qisaasta marxuumiinta kala ah Cabdullahi Maxamed Gacal iyo Shukri Axmed Weheliye, sidoo kale in ay wada bixiyaan magta iyo qarashaatkii ku baxay dhaawacyada dhibanayaasha kala ah Kaaho Cabdulle Caddow iyo Guuleed Ibraahim Hiloowle, sidoo kalana ay bixiyaan qarashka gaarigii ay ka burburiyeen Dhibane Aadan Cabdi Cusmaan.
2- Axmed Ibraahim Axmed iyo Abshir Axmed Xasan Cabdi Jalaf (oo maqane ah) ayaa iyagana lagu Xukumay min 5 Sano oo Xabsi ciidan ah.Sida uu warbaahinta u sheegay Gaashaanle sare Xasan Cali Nur Shuute guddoomiyaha maxkamadda darajada koowaad ee ciidamadda qalabka sida.
Xafiiska Shabakada Allbanaadir.com
Muqdisho Somalia
Allbanaadir@live.com
