Howlgal la sheegay in jab xoogan lagu gaarsiiyay Kooxda al shabaab ayaa ka dhacay tuulada Ugunji oo hoos tagta magaalada Janaale ee gobolka Shabeellaha hoose
Howlgalkan ayaa lagu beegsaday Maxkamad ay Al-Shabaab ku lahaayeen degaankaas, waxaana halkaas lagu dilay 7 Horjooge iyo dagaalyahano ka tirsan Al-shabaab.
Sida ay sheegtay warbaahinta DF saraakiisha lagu dilay howlgalkaas waxaa ku jiray nin lagu magacaano Usame oo ahaa madaxa Al-shabaab ee deegaanka Ugunji.
“Dhagar-qabayaasha kale ee Khawaarijta ah ee la dilay ayaa waxaa kamid ahaa Cadnaan oo u qaabilsanaa diiwaan gelinta shaqsiyaadka shacabka ah ee laga rabo lacagaha baadda ah iyo Horjooge Yaxye oo ahaa Horjooge ku xigeenkii maleeshiyaadka jooga deegaanka Ugunji” ayaa lagu yiri war ay baahisay idaacada DF.
