Maamulka gobolka Banaadir ayaa wareegto maanta soo saareen waxa ay magaalada Muqdisho uga mamnuuceen koofiyadaha dhallinyarada xirtaan iyo sidoo kale af-xirashada (mask).
Afhayeenka maamulka gobolka Banaadir oo warbaahingta la hadlay ayaa sheegay in la go’aamiyay maanta waxii ka dambeeya in magaalada Muqdisho lagu xiran karin koofiyadaha iyo sidoo kale af-xirashada .
”Maanta waxii ka dambeeya waxaa mamnuuc ah in Muqdisho lagu xirto koofiyadaha marka laga reebo kuwa sunnada iyo baraawaaniga, waxaa sidoo kale la mamnuucay af-xirashada (mask) maadaama uusan jirin cudurka Caronaviris.
Maamulka gobolka Banaadir ayaa sidoo kale mamnuucay in hubka fudud lala raaco mooto bajaajta iyo sidoo kale mootada loo yaqaan Fikon, waxaana la amray milkiilayaasha mooyinka in ay ka digtoonaadaan in hub lala raaco.
Laamaha ammaanka ayaana la faray in tallaabo sharciga waafaqsan ka qaadaan ciddii jabisa ammaran lasoo saaray, iyada oo loo arkayo dadkaasi in ay halis ku yihiin ammaanka caasimadda Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
