Muslimiinta kunool qaarada Yurub ayaa dhibaato badan kala kulmi doona helitaanka hilibka xalaasha ah, kaddib ammar mamnuucid ah oo kasoo baxay Maxkamada Xaquuqada Aadanaha ee Yurub .
Maxkamadda Xuquuqda Aadanaha Yurub ayaa soo saartay go’aan ah in xoolaha kahor inta aan la qalin la suuxiyo, taas oo ka hor imaaneysa habka gowrca diinta Islaamka nafartay una gowracdaan dadka muslimiinta ah.
Qoraal kasoo baxay maxkamadda ayaa lagu sheegay in go’aankan ay soo saareen uusan xadgudub ku ahayn xorriyada diimaha iyo islamarkaana uusan ahayn takoor dad gaar ah loola dan leeyahay.
Go’aanka maxkamada ayaa lasoo rogay shalay, kaddib markii uu guuldareystay dacwad ay wadajir u gudbiyeen ururada Muslimiinta iyo Yahuuda oo doonayay in loo oggolaado inay xoolo u qashaan si waafaqsan diintooda.
Xafiiska Shabakada Allbanaadir.com
Muqdisho Somalia
Allbanaadir@live.com
