Taliska ciidanka booliiska Soomaaliyeed oo ka ambaqaadaya dib u habeynta iyo hagaajinta hannaanka baarista dembiyada dalka, ayaa dabayaaqadii sannadkii 2023 isbadal ku sameeyay madaxda hoggaanka baarista dembiyada.
Qorshaha Isbedelka oo ay la yimideen madaxda cusub ee hoggaanka loo magacaabey, ayaa ahaa in wax laga bedelo hannaanka caddaalad marinta ee darafyada dacwadaha, gaar ahaan hannaanka loo maro baarista hide-sidaha (DNA), kaas oo kiisaska badan ee la keeno waaxda sheybaarka cilmiyeeysan loo qaado dalka Dibadiisa, iyada oo la sugo muddo dhan 3 bilood, taas oo eedeysanaha uusan caddaalad helin muddo ku siman saddex bilood ee la sugaayo jawaabta baarista.
Taliyayaasha ayaa la yimid qorshe ah in DNA loo qaado dalka Turkiga si ugu yaraan jawaabta loo helo inta u dhaxeyso 1-5 maalmood gudahood, ayaa kulamo joogto ah la qaatey saraakiil ka tirsan dalka Turkiga laa gaaray heshiis, waxa uuna hadda marayaa heshiiskaasi meel gabo gabo, taas oo looga kaaftoomi doono in jawaabta DNA la sugo 3 bilood iyo in ka badan, inta laga helaayo DNA machine ay yeelaato waaxda kaas mar dhow la filaayo in lagu soo kordhiyo waaxda DNA
Tallaabooyinkan ayaana wax badan ka badalidoona nidaamka caddaalad marinta darafyada dacwaduhu ay khuseeyaan, waxaa ayna wax ka taridoontaa hannaanka guud ee Caddaalada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
