Ciidanka Booliska Gaarka ah ee Haramcad ayaa howlgal qorshaysan ka fuliyey inta u dhexeysa deegaanka Gandershe iyo arbacow ee gobolka Sh/hoose.
Ujeedka howlgalkaas ayaa lagu sheegay burburinta goobo Al-Shabaab gabaad u ahaa iyo maxkamad halkaas ay ka fureen
Degaanada howlgalka laga sameeyey ayaa kala ahaa Godka kubash, Galka geeriyaan,Galka Saalimow, Maracade iyo meelo kale oo ay ka heleen documents ay ka mid Yihiin kuwa dadka canshuuro looga qaadayey
Howlgalka ayaa waxaa si gaar ah u sameeyey cutubyo ka tirsan Ciidanka Haramcad’ iyo kuwa xooga dalka gaar ahaan Guutada Cumar Binu-Khadaab
“Argagixisada arxanka daran ee Al-Shabaab ayaa caado ka dhigatay isku dhex qarinta dadka shacabka, maadama aysan ka hortagi karin awood ciidanka Haramcad balse Ciidanka oo u tababaran baacsiga argagixisada ayaa cagta mariyey haraadiga argagixisadii ku dhuumaaleysaneysay deegaankaas” ayuu yiri sarkaal ka tirsan ciidanka haramcad.
