Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo booqday Safaraadda Imaaraatka Carabta ee Muqdisho ayaa kulan is-xogwareysi iyo tacsiyeyn ah la qaatay Danjire Axmed Jumca Al-rumeysi.
Madaxweynaha Soomaaliya iyo Danjiraha ayaa ka wada hadlay ahmiyadda xiriirka soo-jireenka ah ee labada dal iyo sidii loo sii xoojin lahaa, gaar ahaan dhinacyada amniga iyo kobicinta dhaqaalaha.
Booqashada madaxweyne Xasan Sheekh caawa ku tagay xarunta safaarada dalka Imaaraadka ku leeyihiin Muqdisho ayaa kusoo aadeysa ,xilli habeen hoire weerar ka dhacay xerada Jeneraal Gordon lagu dilay saraakiil katirsan Imaaraadka Carabta.
Imaaradka Carabta ayaa xiriirka kala dhaxeeyay Soomaaliya dib usoo celisay markii xilka madaxweynaha loo doortay Xasan Sheekh, waxaana weerarkii habeen hore lagu beegsaday saraakiisha Imaaraadka la ogeyn saameynta uu ku yeelan karo xiriirka labada dal.
Xafiiska Shabakada Allbanaadir.com
Muqdisho Somalia
Allbanaadir@live.com
