Hoggaamiyaha Maamulka SSC-Khaatumo Mud. Cabdiqaadir Aw-Cali ayaa S/Guuto Saleebaan Barre Xasan (Geesood) u magacaabay inuu noqdo Taliyaha Guud ee Ciidanka Daraawiishta SSC-Khaatumo.
Sidoo kale waxaa G/Sare Cabdifataax Maxamed Aadan Cabdi loo magacaabay inuu noqdo Taliye Ku xigeenka Ciidanka Daraawiishta SSC-Khaatumo.
Hoggaamiyaha ayaa Taliyaha iyo Ku xigeenkiisa oo ah khuburo iyo xeeldheereyaal ciidan Ilaahay uga baryay in uu u fududeeyo masuuliyadda culus ee uu u igmaday.
Mudane Cabdiqaadir A. Aw-Cali ayaa sidoo kale u Magacaabay Hoggaanada Ciidanka Daraawiishta SSC-Khaatumo saraakiisha kala ah.
- G/Sare Maxamed Saleebaan Caabbi
Hoggaanka Hawlgelinta Ciidanka Daraawiishta SSC-Khaatumo
- G/Sare Cabdirashiid Axmed Nuur
Hoggaanka Taakulaynta Ciidanka Daraawiishta SSC-Khaatumo
- G/Sare Bacayees Aadan Nuur
Hoggaanka Ciidanka Daraawiishta SSC-Khaatumo
- G/Sare Baaruud Muuse Maxamed
Hoggaanka Maamulka Maaliyadda Ciidanka Daraawiishta SSC-Khaatumo
Hoggaamiyaha ayaa Saraakiishan oo leh khibrad sare oo ciidan islamarkaana shacabkooda si weyn ugu adeegay Ilaahay uga baryay in uu u fududeeyo masuuliyadda culus ee uu u igmaday.
