Ciidanka Hay’adda Sirdoonka iyo Nabad Sugidda Qaranka ayaa gacanta kusoo dhigay Sayid Cali Macalin Daa’uud oo ku eedeysan dilka Marxuumad Luul Cabdicasiis oo jimcihii u geeriyootay dhaawac kasoo gaaray dab la qabad siiyay jirkeeda.
Ciidanka Nabad Sugidda oo maalmihii lasoo dhaafay ku raad-joogay eedeysanaha ayaa ugu dambeyn kasoo qabtay deegaanka Caad xilli uu halkaas ku dhuumaaleysanayay.
Wararka ayaa sheegaya in ninkan oo hubeysnaa, ayna la joogeen ilaalo ka hayeen rag hubeysan oo aan tiradooda la shaacin, waxaana goobta laga soo qabtay ku hareereeyey ciidanka Booliska DF, kuwa NISA iyo ciidan beeleed is abaabulay oo gacan siinayey.
Soo qabashada ninkan baxsadka ah ayaa tinid ka dib kacdoon ay sameeyeen qeybaha bulshada oo ka dhiidhiyey falka arxan darada ah ee uu ku gubay xaaskiisa oo uur u laheyd.
