Meydadka Gabdho Soomaaliyeed oo meydkooda laga helay war biyood ku taalla gobolka Minesota ee dalka Maraykanka ayaa goor dhow lagu aasay Qabuuraha Burnsville.
Waxaa munaasabada aaska ka qeyb galay boqolaal ka tirsan Soomaali ah oo ka kala yimid magaalada Mineapolis iyo gobolada ee Maraykanka, kuwaasoo qoyska dhibaatadu ku dhacday u muuujisay midnimo iyo taageero.
Booliska ayaa sheegay in gaariga ay wateen Bushra Maxamud Cabdi iyo Saynab Cusmaan Cabdulle oo labudaba 19 sano jir uu ku dhacay balli am War biyood.
Waxaa sidoo kale isla qabuuraha lagu aasay C/fitaax Xarbi oo ka mid ahaa dadkii wax ka raadinayay gabdhaha kaasoo markii uu yimid gurigiisa uu wadnuhu istaagay.
Ciidamada booliska ee magaalada Cheska ee gobolka Minnesota ayaa xaqiijiyay dhimashada labada gabdhood oo Soomaalida ah oo la la’aa tan iyo aroortii hore ee Sabtida.
Booliska ayaa soo gaba gabeeyay baaritaan ay ku hayeen kiiska gabdhahaan oo markii ugu danbeysay la sheegay in ay booliska weydiisteen gargaar kaddib marki ay soo waceen nambarka gargaarka dag dagga ee booliska Mareykanka.
Taliyaha ciidamada booliska ee magaalada Cheska Scott Nike ayaa warbaahinta u sheegay in meydka gabdhaha ay midna gaariga dhexdiisa ka heleen midka kalana biyaha dhexdooda.
Xafiiska Shabakada Allbanaadir.com
Muqdisho Somalia
Allbanaadir@live.com
