Ciidanka Booliska gobolka Banaadir ayaa sheegay caawa iney gacanta ku soo dhigeen nin dhowaan fal dil ah ka geystay degmada Waaberi.
HOOS KA AKHRISO QORAALKA BOOLISKA
03/02/2024 abaaro 16:00pm, Taliska Qeybta Guud Boliiska G.Banaadir gaar ahaan ciidanka saldhigga boliiska Waaberi ayaa howl-gal qorsheysan kusoo qabtay eedeysane dil ka geystay degmada Waaberi.
Eedeysanaha ayaa dhakhtar lagu dabiibayo isbitaal digfeer xabad bastoolad madaxa uga dhuftay 30/01/2024, baadi goob dheer kadib waxa uu hadda ku jiraa gacanta ciidanka boliiska, waxaana la horgeyn doonaa maxkamadda awoodda u leh.
Haddaba muwaadin, haddii aad aragtid fal amniga wax u dhimaya warbixin la wadaag saldhigga kuugu dhow ama wac lambarka gaaban ee 991.
