Taliska booliiska Soomaaliya ayaa qoraal goordhaw soo saareen waxa ay ku shaaciyeen in uu socdo baadigoob xooggan oo loogu jiro ninkii sida arxan-darada aheyd u gubay una dilay xaaskiisa oo xaamilo aheyd.
Qoraalka kasoo baxay taliska booliiska Soomaaliya ayaa lagu sheegay in ciidamada ammaanka wadaan howlgal magaalada Muqdisho iyo gobolada dalka qaarkood looga baadigoobayo Sayid-cali Macalin Daa’uud oo ah ninka xaaskiisa dilay.
Booliiska Soomaaliya ayaa shaaciyay in rejo weyn ka qabaan in sida ugu dhaqsaha badan usoo qabtaan ninka dilaaga ah, waxa ayna shacabka Soomaaliyeed ka codsadeen haddii ay helaan xogta dilaaga in ay si deg deg ah booliiska ula soo wadaagaan.
Ninkan booliiska Soomaaliya baadigoobayaan ayaa maalmo kahor dab qabadsiiyay xaaskiisa oo xaamilo aheyd, waxaana gubitaankaasi ugu dambeyn sababay in Luul Cabdicasiis oo dhibane aheyd shalay isbitaalka ku geeriyooto
Muqdisho Somalia
Allbanaadir@live.com
