Ciidamada maamulka Israa’iil ayaa wali wada duqeymaha naxariis darada ah ay ku garaacayaan deegaannada dadka shacabka ah ku sugan yihiin, iyaga aan kala sooceyn shacab iyo dagaalyahanno.
Diyaaradaha dagaalka Israa’iil ayaa shalay oo Jimco aheyd duqeeyay xeryo qaxooti oo dadka kasoo barakacay magaalada Gaza kaga sugnaayeen meel ku dhaw magaalada Rafax ee kutaalla xadlka dalka Masar.
Khasaaro isugu jira dhimasho iyo dhaawac ayaa lasoo tabinayaa in ay ka dhasheen duqeymaha ka dhacay magaalada Rafax, waxa ayna duqeymaha wel wel cusub ku beereen dadka kasoo qaxay magaalada Gaza ee halkaasi gabaadka ka dhiganayay.
Shacab aad u badan oo ka qaxay magaalada Gaza ayaana ku sugan magaalada Rafax iyo deegaanno hoos taga, waxa ayna shacabka halkaasi u tageen sidii ay uga bad baadi lahaayeen weerarada ciidamada Israa’iil.
Wasiirka difaaca maamulka Israa’iil Yoav Gallant ayaa horey u sheegay, in ciidankiisu ay hadda cirib-tiri doonaan wax uu ku sheegay canaasir argagixiso ah oo ku sugan magaalada Rafax iyo deegaannada ku dhaw dhaw.
Xafiiska Shabakada Allbanaadir.com
Muqdisho Somalia
Allbanaadir@live.com
