Dhalinyaro Muslimiin ah oo kasoo jeeda UK ayaa baaskiil ku goynaya fogaan dhan 550 km, waxa ayna dhallinyaradan doonayaan in indhaha caalamka kusoo jeediyaan xaalada Gaza ,sidoo kale u sameeyaan yabooh dhaqaale.
Labadan dhalinyarada oo da’da 40 jirka jooga waxay qorsheynayaan inay si fudud hiigsigooda ku gaaraan kahor bisha Ramadaan. Hadafka iyo ujeedka ay ka leeyihiin socdaalkan ayay ku sheegeen inay rabaan yabooh inay ugu sameeyaan Muslimiinta Gaza ee xilligan la joogo wajahaya xaalado adag oo dhinaca bani-aadannimada ah.
Dagaalkii ay Yuhuuddu ku qaaday Gaza wuxuu naafeeyey nolosha Muslimiinta reer Falastiin, waxaana – ka sokow dhimashada iyo dhaawaca – uu carruurta iyo haweenka ku reebay xaalado nafsi ah, gaajo iyo hoy la’aan.
Bartilmaameedka ugu weyn ee Yabooha loo sameynayo, si kastaba, waxay ku sheegeen in xarun caafimaad oo ku kacaysa adduun dhan £220,000 loo qoondeeyo si looga faa’iideysto. Wejiga labaad iyo saddexaad, ayay ku sheegeen inuu noqon doono mid baritaara dib u dhiska guryaha iyo xarumaha ku burburay dagaalkii Yuhuuddu kusoo qaadday Gaza iyo in laga haqabtiro kaabayaasha nolosha sida helidda biyo nadiif ah oo ku filan baahida aas-aasiga.
Duulaanka cir iyo dhul ee ciidamada Israa’iil ku qaadeen magaalada Gaza waxa ay ku dileen dad ka badan 26,400 oo Falastiiniyiin, waxaana dadkaasi dhintay u badan yihiin haween iyo carruur aan cidna dambi ka gelin.
Xafiiska Shabakada Allbanaadir.com
Muqdisho Somalia
Allbanaadir@live.com
