Golaha Ammaanka ee Qaramada Midoobay ayaa lagu wadaa inay kulan ka yeeshaan xiisada u dhexeysa Soomaaliya iyo Itoobiya ee ka dhalatay heshiiska ay la gashay Somaliland.
Kulanka oo dhacaya Isniinta maanta ah ayaa looga hadli doonaa dhacdooyinka Geeska Afrika.
Muranka ayaa ka dhashay kadib markii Itoobiya ay horraantii bishan heshiis is-afgarad ah la saxiixatay Somaliland.
Heshiisku wuxuu siinayaa Itoobiya oo aan bad lahayn inay hesho deked ciidan iyo ganacsi.
Soomaaliya oo Somaliland u aragta qayb ka mid ah dhulkeeda, ayaa diiday heshiiskaas, waxaanay Itoobiya ku eedaysay inay ku xad-gudubtay madax-banaanideeda.
Kulanka golaha amaanka oo ay dalbatay Soomaaliya ayaa la filayaa in laga soo saaro go’aano la xiriira xad gudubka ay ku kacday Itoobiya.
