Kooxda Xuutiyiinta Yemen ayaa weerar gantaallo loo adeegsaday ku qaaday markab shidaal siday oo ka babanaayay calanka Jaziirada Marshaal,markabkaa oo marayey gacanka Cadmeed, sida uu sheegay milatariga Maraykanka.
Taliska dhexe ee ciidamada dalka Mareykanka (CENTCOM) ayaa sheegay in markabka si deg deg ah ula soo xiriiray una sheegay dhibka ku dhacay, waxa ayna sheegeen taliska Mareykanka in isla markiiba jawaab deg deg ah bixiyeen.
“Markabku wuxuu noo soo diray wicitaan murugo leh, wuxuuna soo sheegay khasaare,” USS Carney [DDG 64] iyo maraakiibta kale ee isbahaysiga ayaa ka jawaabay oo bixinaya gargaar. Ilaa hadda wax dhaawac ah lama soo sheegin.”ayey yiraahdeen taliska Mareykanka
Ciidamada Mareykanka ayaa sidoo kale ku dhawaaqay in ay kahor tageen oo bur buriyeen gantaal kale oo nuuca lagu weeraro maraakiibta, kaa oo kooxda Xuutiyiinta doonayeen in waxyeelo kale oo xooggan ku geestaan.
Kooxda Xuutiyiinta dalka Yemen ayaa kordhisay weerarada ay u geesanayaan maraakiibta ganacsi ee maraya gacanbka cadmeed, kooxdan ayaana sheegtay in weeraradooda ku taageerayaan walaalahooda Gaza ee gumaadka kala kulmaya Israa’iil.
Xafiiska Shabakada Allbanaadir.com
Muqdisho Somalia
Allbanaadir@live.com
