Guddoomiyaha gobolka Banaadir Yuusuf Xuseen Jimcaale (Madaale) ayaa daah-furay dib-u-howlgelinta sheybaarka hubinta tayada dhismaha dowladda Hoose ee Xamar, kaasi oo ay ka howlgali doonaan qubaro u dhashay Turkiya, si loo tayeeyo dhismooyinka Muqdisho.
Duqa Muqdisho ayaa sheegay in waxii hada ka danbeeya la hubin doonno tayada dhisma wadaaga iyo qalabka dhismaha, asigoona sidoo kale sheegay in la hubin doonno aqoonta Injineerada, si loogu bad-baado dhibaatooyinka ka dhasha bur-burka ku yimaada guryaha Muqdisho.
Sheybaarka hubinta tayada dhismooyinka ayaan horey uga jiray magaalada Muqdisho, waxa ayna keeneen dhismooyin badan oon horey tayadooda aan looga fekerin ay soo dumaan ayna ka dhashaan khasaarooyin kala duwan.
Munaasabadaan ayaa waxaa goobjoog ka ahaa Guddoomiye Kuxigeenka Howlaha Guud ee Maamulka Gobolka Banaadir, Guddoomiyihii hore ee Gobolka Banaadir, Xildhibaano ka tirsan labada aqal ee BFS, Madaxda Hey’adda TIKA, Agaasimeyaal iyo marti sharaf kale.
Xafiiska Shabakada Allbanaadir.com
Muqdisho Somalia
Allbanaadir@live.com
