Ergayga gaarka ah ee Maraykanka u qaabilsan Geeska Afrika Mike Hammer oo ka hadlay Shirkii madaxda IGAD ayaa Itoobiya uga digay ficilo xadgudub inay gobolka ka samayso
Waxaa uu sheegay in hab diblomaasiyadeed oo keliya lagu xallin karo khilaafka ka dhex taagan Soomaaliya iyo Ethiopia.
Mike Hammer ayaa soo dhoweeyay shirka aan caadiga ahayn ee IGAD ay ku qabatay dalka Uganda, kaasoo looga hadlayay sidii xal looga gaari lahaa xiisadda sii kordhaysa ee ka dhex taagan Soomaaliya iyo Ethiopia.
“Mareykanka waxaa ka go’an iskaashi iyo inuu taageero dadaallada lagu hormarinayo nabadda iyo xasilloonida dadka Geeska Afrika” ayaa lagu yiri qoraal kasoo xafiiska arrimaha dibbada Maraykanka ee Afrika.
Waxaa uu sheegay heshiiska Itoobiya iyo Somaliland uu khatar ku yahay xasiloonida gobolka, isagoo dowladda Addis ababa ugu baaqay inay ilaaliso madax bannaanida iyo midnimada dhuleed ee Soomaaliya.
“Heshiiska waxaa uu horseedi karaa hadii aan laga laaban xasillooni darro iyo inuu carqaladeeyo dadaallada caalamiga ah ee looga hortagayo argagixisada, wuxuuna noqonayaa fursad ay dagaalyahano cusub ku qorato Al Shabaab” ayuu yiri
HOOS KA DAAWO HADALKA AFHAYEENKA
