Guddoomiyaha gobolka Banaadir Mudane Yuusuf Xuseen Jimcaale (Madaale) ayaa Aqalka dowladda Hoose ee Xamar ku qaabilay Safiirka dowladda Talyaaniga u fadhiya Dalka Soomaaliya Danjire Pier Mario Daccò Coppi.
Duqa Muqdisho iyo safiirka ayaa ka wada hadlay xoojinta xiriirka labada dhinac, iskaashiga dowladdaha Hoose ee Talyaaniga iyo dowladda Hoose ee Muqdisho.
Sidoo kale Duqa Muqdisho iyo Danjire Pier ayaa ka wada hadlay sidii ay dowladda Talyaaniga dib-u-dhis ugu sameyn laheyd dhismooyinka ay ku leeyihiin Magaalada Muqdisho.
Labada masuul ayaa si wadajir ah kormeer ku wada tagay dhismaha Casa Italia, oo dhawaan dib loogu wareejiyay dowladda Talyaaniga, halkaas oo la filayo in Talyaaniga ay ka hirgeliyaan dugsi farsamo oo gacanta ah.
