Madaxweynaha Dowlada Jubaland Mudane H.E Ahmed Mohamed Islaam, ayaa Magaalada Nairobi kulan kula yeeshay Safiirka Dowlada Sweden ee Soomaaliya Joachim Waern.
Kulanka ayaa lagaga hadlayay mashaariicda dhinacyada hormarka iyo dib u dhiska ee Dowlada Sweden ay ka tageerto Jubaland sidii loo balaarin lahaa gaar ahaan adeegyada bulshada iyo kaabayasha dhaqaalaha.
Madaxweynaha Jubbaland Axmed Maxamed Islaam Madoobe ayaa maalmahan ku sugan magaalada Nairobi, waxa uuna halkaasi ka wadaa kulamo uu la qaadanayo wakiillo katirsan Beesha Caalamka.
Axmed Madoobe oo xiriir dhaw la leh dowladda Kenya ayaa inta badan saldhig ka dhigta magaalada Nairobi waqtiyada uu ka maqan yahay magaalada Kismaayo, waxa uuna halkaasi ka sameeyaa kulamo siyaasadeed.
