Xukuumadda Federaalka Soomaaliya ayaa u sharaxday xildhibaan Fawzia Yusuf Haji Adam oo katirsan Baarlamaanka Federaalka in ay Soomaaliya ku matesho tartanka guddoomiyaha guddiga Midowga Afrika.
Qoraal kasoo baxay xafiiska Ra’isul Wasaaraha Xukuumadda Soomaaliya ayaa lagu sheegay in dowladda Soomaaliya dooneyso in ay door weyn ka qaadato xoojinta ururada caalamiga iyo kuwa gobolka u sharaxday Xildhibaan Fowsiyo in ay u tartanto xilkan muhiim ah.
”Iyadoo laga duulayo qorshaha dowladda Soomaaliyeed ee xoojinta doorka aan ku leennahay Ururada Caalamiga iyo kuwa Gobolka, ayaa waxaa Xildhibaan Fawzia Yusuf Haji Adam, ay ku matali doontaa dowladda Soomaaliya tartanka Guddoomiyaha Guddiga Midowga Afrika (African Union Commission) ee Sanadaha 2025-2028” ayaa lagu yiri qoraal kasoo baxay xafiiska Ra’isul Wasaare Xamse Barre.
Xildhibaan Fowsiya Yuusuf ayaa horey usoo noqotay Ra’isul Wasaare kuxigeenka Soomaaliya iyo sidoo kale wasiirka arrimaha dibadda Soomaaliya, waxa ay sidoo kale isku soo sharaxday xilka madaxweynaha Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
