Askar ka tirsan ciidamada badda dowladda Mareykanka ayaa lagu la’yahay badda Soomaaliya, waxaana socda baadigoob xooggan oo lagu raadinayo nolol iyo geeri askartaasi maqan.
Bayaan kasoo baxay taliska dhexe ee ciidamada Mareykanka ayaa lagu shaaciyay in labo askari oo katirsan ciidamada Badda la waayay, waxa ayna taliska sheegeen in howlgalo lagu raadinayo laguna samatabixinayo askartaasi ay socdaan.
Taliska dhaxe ee ciidamada Mareykanka faah faahin badan kama bixin askarta maqan magacyadooda iyo markabka ay la socdeen, sidoo kale lama faah faahin sababta keentay in askartaasi la waayo.
Dowladda Mareykanka ayaa isbuucyadii lasoo dhaafay maraakiib nuuca dagaalka ka howlgalisay qeybo kamid ah badda cas iyo gacanka cadmeed, kaddib markii ay kordheen weerarada kooxda Xuutiyiinta ah ku qaadayaan Maraakiibta ganacsi ee badda cas mara.
Xafiiska Shabakada Allbanaadir.com
Muqdisho Somalia
Allbanaadir@live.com
