Allbanaadir.com
NEWS

Nin ajnabi ah oo la socday Diyaaradii ku degtay Xiindheere oo la dilay iyo kuwa baxsaday

Diyaarad nuuca Helicopterka ah oo u kireysneyd Qaramada Midoobay ayaa shalay si lama filaan ah ugu degtay deegaan ay maamusho kooxda Al Shabaab, kaddib markii diyaarada ay lasoo daristay cilad farsamo.

Qaramada Midoobay ayaana xaqiijisay in diyaarada ku degtay  degaan u dhow Xiindheere oo ka tirsan gobolka Galguduud, waxa ayna intaa ku dareen in diyaarada iyo qaar kamid ah dadkii la socday u gacan galeen kooxda Al Shabaab.

Warar soo baxaya ayaa sheegaya in kooxda Al Shabaab goobta diyaarada ku dhacday ay ku dileen nin kasoo jeeda dalka Masar oo kamid ahaa dadkii diyaarada la socday, halka dhowr qof oo kale oo isugu jiray ajaaniib iyo Soomaali ay kooxda nolol ku wateen.

Waxaa sidoo kale soo baxaya warar sheegaya in duuliyihii diyaarada oo ah ajnabi iyo nin kale oo Soomaali ah oo isna dhaqtar ahaa ka baxsadeen goobta diyaaradu ku dhacday, lamana oga ilaa hadda labadaasi qof nolol iyo geeri halka ay ku dambeeyaan.

Masuuliyiin katirsan maamulka Galmudug oo warbaahinta la hadlay ayaa sheegay in ay wadaan dedaalo lagu doonayo sidii loogu gurman lahaa labada qof oo kasoo baxday Al Shabaab looguna hagi lahaa goobo ay joogaan ciidanka dowladda.

Kooxda Al Shabaab ayaa wararku sheegayaan in ay la degeen agab caafimaad iyo qalab kale oo la sheegay in diyaarada saarnaayeen, waxaa sidoo kale la sheegay in kooxda dab qabadsiiyeen diyaarada Helicobterka ee soo dhacday.

Diyaarada ku dhacday deegaanka Al Shabaab maamulaan ayaan ilaa hadda la xaqiijin tirada dadka saarnaa, wararka qaar ayaana sheegaya in diyaarada la socdeen ilaa lix qof, halka warar kalan asheegayaan in ay la socdeen ilaa sagaal qof.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Muqdisho waxaa weli ka Howlgala ciidan lamid ah maleeshiyaad Ogowna Sababta !!

admin

Ra’isul Wasaare Kheyre iyo Wafdi uu hogaaminayo oo maanta ka dhoofaya Muqdisho

Cabdi Cade

Muuse Jaamac Cige oo shaaciyay in uu is casilay kana hadlay Sababta ku kaliftay 

Cabdi Cade
Taboola Ads ---