Ciidamada booliiska Soomaaliya ayaa maanta fashiliyay qarax nuuca miinada ah oo lasoo dhigay suuqa degmada Xamarweyne, gaar ahaan agagaarka kaalin shidaal oo kutaalla meel ku dhaw Masjidka Marwaazi.
War kasoo baxay booliiska ayaa lagu sheegay in kooxda Al Shabaab qarax miino duhurnimadii maanta soo dhigeen suuqa Xamarweyne, waxa ayna booliiska oo helay xogta qaraxa dadka ku amreen in ay ka fogaadaan.
Booliiska ayaa sidoo kale sheegay in qaraxa lasoo dhigay gudaha Suuqa Xamarweyne ku guuleesteen in ay qarxiyaan 40-daqiiqo kaddib markii qaraxaasi la arkay, waxa ayna sheegeen in aysan jirin khasaaro nafeed oo qaraxa ka dhashay.
Ganacsatadii ku sugnaa suuqa Xamarweyne iyo dadweynihii kale ayaa isaga cararay agagaarka goobta qaraxa lasoo dhigay, xaalada ayaana markii dambe caadi kusoo laabatay markii ciidamada fashiliyeen qaraxii miino ee suuqa lasoo dhigay.
Xafiiska Shabakada Allbanaadir.com
Muqdisho Somalia
Allbanaadir@live.com
