Allbanaadir.com
GALMUDUGNEWS

Maraykanka oo duqeeyey saldhig Xarakada Al-Shabaab ku laheyd bartamaha Somalia

Taliska howlgalka Mareykanka Afrika ee (AFRICOM) ayaa shaaciyey in dayuuradaha Mareykanka ay duqeyn dhinaca cirka ah ka fuliyeen degaano ka tirsan gobolka Mudug ee bartamaha Somalia.

Qoraal AFRICOM ka soo baxay ayaa lagu sheegay in duqeynta oo dhacday 12kii bishan lala beegsaday xeryo tababar oo Al-Shabaab ay ku laheyd degmada Xarardheere.

Lama sheegin khasaaraha ka dhashay duqeyntaas balse waxaa qoraalka lagu xusay iney wadaan qiimeyn ku aadan weerarkaas iyo khasaaraha loogu geystay Al-shabaab.

Maraykanka ayaa War-saxaafadeedka ku sheegay in iyagoo taageeraya ciidamada xoogga dalka ay sii wadi doonaan weerarada ay la beegsanayaan Al-shabaab.

Dowlada Maraykanka oo ay Soomaaliya ka joogaan boqolaal askari ayaa mudooyinkan kordhiyey duqeymaha ay la beegsanayaan saldhigyada ay Al-shabaab ku leeyihiinn gudaha dalka.

Xafiiska Shabakada Allbanaadir.com
Muqdisho Somalia

Allbanaadir@live.com

Related posts

Xildhibaan Khaliif Haashim Nuur oo caawa lagu dilay Qarax iyo Al Shabaab oo ka hadashay

Cabdi Cade

Kheyre oo Dhagax dhigay Mashaariic laga hirgalinayo Xudur (Daawo Sawirro)

Cabdi Cade

Taliyaha cusub ee qaybta 60-aad ee Milatariga Somalia oo gaaray Baydhabo (Daawo Sawiro)

Cabdi Cade
Taboola Ads ---