Somaliland ayaa si kulul uga jawaabtay eedeyn kaga timid Wasaaradda warfaafinta dowlada Somalia oo aheyd iney caburin iyo xarig ku heyso suxufiyiinta iyo dadka ka soo horjeeda heshiiskii ay dhowaan la gashay Itoobiya ee la isku dhaafsanayey dhul badeedka iyo aqoonsiga.
“Dowladda Federaalka Soomaaliya waxa ay aad uga xun tahay tallaabooyinka gurracan ee maamulka Somaliland isugu dayayo in uu ku af qabto warbaahinta iyo dadweynaha gobollada waqooyi ee dalka ee ka dhiidhinaya Is-afgaradka sharci daradda ah ee xadgudubka ku ah gobonimada iyo sharafta dadka Soomaaliyeed ee uu Muuse Biixi la soo galay dowladda Itoobiya” ayaa lagu yiri hadal ka soo baxay Wasaaradda warfaafinta DF.
Hase ahaatee qoraal ka soo baxay Wasaaradda Warfaafinta Somaliland ayaa si kulul uga jawaabtay eedeyntaas, kaasoo u qornaa sidatan hoose:-
