Waxaa goor dhow la soo gebagebeeyey tirinta codadka wareega 2aad ee doorashada Madaxweynaha Puntland ee ka socota magaalada Garowe.
Wareega labaad ayaa waxaa ku loolamay 3-da Musharax ee ugu codadka badnaa wareegii koowaad oo kala ah Guuleed Saalax Barre, Abshir Huruuse iyo Saciid C/llaahi Deni
Musharaxiinta ayaa codadka u kala helay sidatan hoose sida uu sheegay guddiga doorashada:-
1-Guuleed Saalax Barre 17 cod
2-Abshir Huruuse 9 cod
3-Saciid C/llaahi Deni 40 cod
Guddiga ayaa sheegay in maadaama uusan jirin musharax guuleystay oo helay 44 cod, waxaa wareega 3aad u gudbay labada musharax ee ugu codadka badnaa wareega labaad kuwaasoo kala ah.
GUULEED SAALAX BARRE
SACIID C/LLAAHI DENI
labada musharax ayaa wareega 3aad ku kala bixi doona cod hal dheeri ah sida uu sheegay, waxaana bilabatay codeynta lagu kala saarayo musharaxiinta isku soo haray.
