Odayaasha Dhaqanka Gobolada Waqooyi ee Soomaaliya ayaa si adag uga horyimid damaca Itoobiya ee badda Soomaaliya iyo heshiiskii ay la gashay Muuse Biixi
Odayaasha Dhaqanka reer Saylac ee waqooyiga Soomaaliya oo la hadlay warabahinta ayaa si adag uga hadlay in Muuse Biixi uusan bixin karin dhulkooda,ayna tahay arrin isaga u gaar ah oo aysan la qabin waxgaradka iyo Shacabka ku dhaqan degaannada gobollada Waqooyi.
Waxay sheegeen in badda aysan ahayn wax cid walba si fudud isaga bixin karto, ayna tahay dhaxalka jiilka dambe lana aqbali karin damaca gurracan ee Itoobiya.
Odayaasha ayaa sidoo kale dhammaan ummadda Soomaliyeed meel walba ay joogaan ugu baaqay inay u midoobaan, difaaca qarannimada Soomaaliya oo si cad ugu soo duushay itoobiya.
Damaca liita Itoobiya ee 1-dii bishan magaalada Addis Ababa heshiis guracan kula gashay Madaxweynaha Somaliland Muuse Biixi Cabdi ayaa waxaa isa soo taraya sida falcelinta ka imaaneysa dadka Soomaaliyeed iyo saaxiibada Beesha Caalamka, iyadoo lagu tilmaamay mid ku xadgudbay madaxbanaanida dhuleed ee Soomaaliya.
HOOS KA DAAWO HADALKA ODAYAASHA
