Waxaa saakay oo Khamiis ah magaalada Garawe ee caasimadda maamulka Puntland ka socota doorashada guddoonka baarlamaanka dowlad goboleedka Puntland, waxaana doorashada ku loolamaya musharaxiin dhowr ah .
Doorashada guddoomiyaha baarlamaanka Puntland waxaa ku tartamaya afar musharax oo kala ah, Xildhibaan Cabdirashiid Yuusuf Jibriil, Xildhibaan Maxamed Faarax Maxamed Gabyow, Xildhibaan Mursal Maxamuud Cabdi iyo Xildhibaan Cabdirisaaq Axmed Siciid.
Musharaxiintan ayaana xalay magaalada Garawe ka waday olole xooggan, musharaxiinta qaar ayaana taageero ka helayay madaxwaeyne Siciid Deni, halka musharaxiinta kalana ay taageero ka helayeen musharaxiinta mucaaradka ku ah madaxweyne Deni.
Doorashada guddoonka baarlamaanka Puntland ayaana tijaabo u noqon doonta rejada uu mar kale doorashada ka leeyahay madaxweynaha Puntland Siciid Deni, oo horey loo sheegay in isagu soo qortay inta badan xildhibaannada cusub ee Puntland.
Waxaa sidoo kale iyana la dooran doonaa guddoomiye kuxigeenka koobaad ee baarlamaanka Puntland iyo kan labaad, waxa ay iyana musharaxiintan xalay sameeyeen olole xooggan.
Xafiiska Shabakada Allbanaadir.com
Muqdisho Somalia
Allbanaadir@live.com
