Diyaarad rakaab oo leedahay shirkada Diyaaradaha Singapore ayaa saacadihii ugu badnaa ku qaadatay duulimaad toos ah ay uga baxday dalka Singapore kuna tagtay magaalada New Yourk ee dalka Mareykanka.
Diyaaradan oo nooceedu yahay A350-900 ayaa jartay masaafo dhan 15,000 oo kiilo mitir ,waxaana duulimaadka aan hakadka laheyn ay ku tagtay magaalada New Yourk ku qaadatay 17 saacadood iyo 52 daqiiqo.
Maamulka Shirkada Singapore Airlines ayaa sheegay in shan sano kadib dib u bilaabeen duulimaadka aan hakadka laheyn ee saacadaha badan la soconayo oo horey loo joojiyay, waxaana diyaaradan la socday 150-qof oo rakaab iyo 17 shaqaale.
Qaar badan oo kamid ah rakaabkii diyaarada saarnaa ayaa sheegay in aysan dareemin saacadaha badan ay hawada ku jireen, waxa ayna diyaaradan laheyd kuraas raaxo leh oo la jiifan karo iyo sidoo kale madadaalo.
Diyaaradan laga leeyahay Singapore ayaa noqotay diyaarada saacadihii ugu badnaa duulimaad sameysa iyada oon hakad galin, waxa ayna rikoorkan kala wareegtay diyaarad ka soo duushay Auckland oo tagtay Doha iyada oo hawada ku jirtay 17 saacadood .
Xafiiska Shabakada Allbanaadir.com
Muqdisho Somalia
Allbanaadir@live.com
