Sarkaal sare oo ka tirsan Xamaas ayaa lagu dilay qaraxa ka dhacay duleedka koonfureed ee magaalada Beirut ee dalka Lubnaan, sida ay ku warameen wakaaladaha wararka ee AFP iyo Reuters oo soo xiganaya ilo dhanka amaanka ah.
warbaahinta dowladda Lubnaan ay sheegtay in qaraxa uu ka dhashay duqeyn ay diyaaradaha aan duuliyaha lahayn ee Israa’iil soo rideen
Xamaas ayaa hadda xaqiijisay geerida ku xigeenka madaxa xafiiskeeda siyaasadda, Salex Al-Arouri, oo ku dhintay qaraxa koonfurta Beirut.
Al-Arouri ayaa sidoo kale la ogaa inuu si qoto dheer ugu lug lahaa arrimaha ciidamada Xamaas.
Afar qof ayaa ku dhimatay qaraxaas oo ka dhacay xafiiska Xamaas ee xaafad ku taal koonfurta caasimadda Lubnaan.
Ra’iisul Wasaaraha Lubnaan Najib Mikati ayaa u arka duqeynta Israa’iil ee xafiiska Xamaas ee koonfurta Lubnaan “ka qayb ahaanshaha” dalkiisa ee dagaalka Israa’iil.
