Ciidanka Nabad sugidda iyo sirdoonka Qaranka Soomaaliya ee ka howlgala gobolka Bakool, ayaa maanta soo bandhigay labo nin oo la sheegay in ay kasoo goosteen dagaalyahannada Al Shabaab oo ay katirsanaayeen.
Maxamed Ibraahim Maxamed Nuur (Siid Cali) iyo Aadan Isaaq Aadan oo muddo shan sanno katirsanaa Al Shabaab ayaa si iskood ah isugu soo dhiibay kooxda Al Shabaab, waxa ayna ka faa’iideesteen cafiska dowladda u fidisay.
Labadan nin oo warbaahinta la hadlay ayaa sheegay in ay ka mid ahaayeen Jabhadda Al Shabaab, waxayna xuseen inay ka qeyb qaateen dhawr dagaal oo Al Shabaab la galeen ciidanka dowladda iyo kuwa maamulada dalka ka jira.
Xubnaha Al Shabaab kasoo goosnaya iskuna soo dhiibaya dhinaca dowladda Soomaaliya ayaa sii kordhaya muddooyinkan, dowladda ayaana diyaarisay xarumo lagu dhaqan-celinayo xubnaha Al Shabaab ee soo goosta.
Xafiiska Shabakada Allbanaadir.com
Muqdisho Somalia
Allbanaadir@live.com
