Madaxweyne ku xigeenka Labaad ee Dowladda Jubbaland mudane Cabdiqaadir Xaaji Maxamuud ayaa tababar u soo xiray Urur cusub oo kamid noqonaya Ciidanka Madaxtooyada dowladda Jubbaland.
Waxaa Munaasabada goob jog ka aha Wasiirka Wasaarada Amniga Gudaha Jubbaland Sareeye Gaas Yuusuf Xuseen Cismaan (Dhuumaal) iyo xubno kale
Ciidankan ayaa bilihii lasoo dhaafay qaadanayey tababar adag oo isugu jiray Tabaha iyo Xeeladaha looga hortago Kooxaha loogu yeero Argagaxisada ah iyo sidoo kale qaabka loo ilaaliyo ammaanka masuuliyiinta iyo xarumaha muhiimka ah sida Madaxtooyada Jubbaland.
Muddadii ay Ciidanka cusub tababarka ku jireen ayaa waxaa ay kororsadeen xirfadaha lagama maarmaanka u ah ciidan sidan oo kale muhiim u ah.
Madaxweyne ku xigeenka Labaad ee Dowladda Jubbaland mudane Cabdiqaadir Xaaji Maxamuud ayaa u hambalyeeyey ciidankan, isagoo kula dardaarmay iney waajibaadkooda u gutaan si hufan.
HOOS KA DAAWO SAWIRADA
