Allbanaadir.com
NEWS

Nin Mareykan ah oo ku biiri rabay Al Shabaab oo la qabtay laguna celiyay dalkiisa

Nin u dhashay dalka Mareykanka oo doonayay in uu ku biiro kooxda Al Shabaab ayaa 14-kii bishan lagu qabtay magaalada Nairobi ee caasimadda dalka Kenya, waxaana ninkan lagu eedeeyay ku biirista koox argagaxiso ah.

Waaxda Caddaaladda Mareykanka ayaa sheegtay Karrem Nasr oo 23-sanno jir ah  uu damacsanaa in uu kamid noqdo kooxda Al Shabaab, waxa ayna xustay in ninkan dhiiro-gelin ka helay weerarkii Xamaas ku qaaday Israa’iil 7-dii October.

“Sida la sheegay, Karrem Nasr, wuxuu dhiirro-gelin ka helay weerarkii ba’naa ee ay Xamaas qaadeen 7-dii Oktoobar, isagoo ku talogalay inuu sameeyo jihaad ka dhan ah Ameerika iyo xulafadiisa,” ayuu yiri xeer-ilaaliyaha Mareykanka Damian Williams.

Ninkan lagu eedeeyay in uu ku biiri rabay Al Shabaab ayaa kasoo tagay Mareykanka bishii July ee sannadkan, waxa uuna bilooyin ku sugnaa dalka Masar , kahor inta uusan kasoo degin magaalada Nairobi laguna xirin.

Laamaha ammaanka dalka Kenya ayaana ninkan u gacan-geliyay sirdoonka Mareykanka, waxaana ninkan maalintii Khamiista aheyd dib loogu celiyay dalka Mareykanka, halkaas oo la filayo in lagu maxkamadeeyo.

Xafiiska Shabakada Allbanaadir.com
Muqdisho Somalia
Allbanaadir@live.com

 

Related posts

Taliban oo burburisey taalo loo dhisay wadaad shiico ah oo iyaga ka horjeeday (Sawirro)

Caydiid Ali

Siyaasi ku xanuunsaday biyaha webi wasaqoobay oo uu Shacabkiisa rabay inay ka cabaan!

Cabdi Cade

Prof.Dufle: “Sigaarku wuxuu sababaa cuduro badan oo halis ah iyo dhimasho degdeg ah”

Caydiid Ali
Taboola Ads ---