Ciidamada milatariga Israa’iil ayaa khasaaro badan oo isugu jira dhimasho iyo dhaawac kasoo gaaray dagaalka xooggan ay kula jiraan kooxda Xamaas, waxa ayna Israa’iil la kulantay khasaarihii ugu badnaa dagaalka ay kula jirto Xamaas.
Milatariga Israa’iil ayaa qirtay in dagaalka ay kula jiraan kooxda Xamaas looga dilay loogana dhaawacay askar badan, waxa ayna sheegeen in dagaalka ay sii wadayaan in ay kasoo afjaraan kooxda Xamaas ee nafta u gashay.
In ka badan 500- askari oo katirsanaa ciidamada Israa’iil ayaa lagu dilay dagaalka ay kula jiraan Xamaas, waxaa sidoo kale dagaalkaasi ciidamada Israa’iil looga dhaawacay in ka badan 900-askari oo qaarkood dhaawacyo halis ah qabaan.
Dagaalka dhinaca dhulka ah ee ciidamada Israa’iil ku qaadeen magaalada Gaza ayaa looga dilay ilaa 160-askari , waxaa sidoo kale la dhaawacay oo isbitaalada Israa’iil lagu daweenayaa tiro badan oo askar ah oo katirsan Milatariga IDF.
Ciidamada Israa’iil ayaa dhankooda duqeymo arxan-darro ah ku laayay in ka badan 20-kun oo shacab ah, kuwaa oo u badan haween iyo carruur, waxa ay sidoo kale Israa’iil bur buriyeen inta badan dhismayaashii magaalada Gaza.
Xafiiska Shabakada Allbanaadir.com
Muqdisho Somalia
Allbanaadir@live.com
