Guddoomiyaha gobolka Banaadir Yuusuf Xuseen Jimcaale (Madaale) ayaa saakay garoonka kubadda cagta ee Eng. Yariisow Stadium dhiira-gelin ugu tagay ciyaartoyda xulka gobolka Banaadir ku mataleysa tartanka ciyaaraha maamul goboleedyada ee Muqdisho ka furmaya
Duqa Muqdisho ayaa ciyaartoyda daqiiqado la aalmiiteeyay, sidoo kale kubad is kululees ah la ciyaaray, waxa uuna warbixin ku aadan halka ay mareyso diyaar-garowgooda ka dhageestay macalimiinta ciyaartoyda gobolka Banaadir.
Yuusuf Madaale ayaa macalimiinta xulka kubadda cagta gobolka Banaadir uga mahad-celiyay dedaalka ay wadaan, waxa uuna ciyaartoyda kula dar-daarmay in ay muujiyaan ciyaar wannaag una hardamaan sidii ay koobkan u qaadi lahaayeen.
Waxa uu sidoo kale ciyaartoyda u sheegay Duqa Muqdisho in ay difaacaan sharafta ciyaaraha gobolka Banaadir ayna koobka sannadkii labaad oo xiriir ah caasimadda looga dabaal-dego.
Tartanka kubadda cagta ee u dhaxeeya maamul goboleedyada dalka ka jira iyo maamulka gobolka Banaadir ayaa lagu wadaa in beri oo Jimco ah ka furmo Istadiom Muqdisho, waxaana tartanka sannadkan ka maqan ciyaartoydii mataleysay maamulka Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
