Golaha Wakiilada Jubbaland oo maanta yeeshay fadhigii 3-aad ee kalfadhigga 5-aad ayaa wax ka bedel ku sameeyey qodobka 35-aad farqaddiisa 1-aad ee dastuurka Jubbaland.
Qodobkan ayaa ka hadlaya kasooni siinta iyo kala laabashada golaha Wasiirada Jubbaland.
Kulanka oo ay xaadireen 53 Xildhibaan ayaa waxaa shir guddoomiyey Guddoomiyaha golaha wakiilada Jubbaland Sheekh Cabdi Maxamed Cabdiraxmaan.
Xildhibaanada ayaa ka dooday muhiimadda ay leedahay wax ka bedelka qodobka 35-aad oo horay u dhigayey in golaha Wasiiradu ay codka ansixinta ama kalsooni kala noqoshada ay ku heli karaan si wadar ah.
Dood dheer kadib Xildhibaanada ayaa si gacantaag ah ugu codeeyey wax ka bedelka qodobkan, waxayna ansixiyeen in Wasiirada xilka looga qaadi karo si keli keli ah hadii loo baahdo.
HOOS KA DAAWO SAWIRRO
