Maxkamadda Ciidamada Qalabka sida Qeybta 60aad, ayaa Maanta Xukunno kala duwan ku ridey askar katirsanaa Ciidanka Daraawiishta Koonfur Galbeed.
Askartan ayaa waxa lagu helay falal la xarriira dhac iyo dil ay ka geysteen Magaalada Baydhabo xaafado ka tirsan Al-shabaab
Muxyadiin Cali Cabdullaahi, ayaa Maxkamaddu ku xukuntey Dil toogasho ah taasoo ah Qisaasta Marxuum Maxamed Nuur Salaad oo ahaa Ardey dhigta Iskuulka Al Qalam ee Magaalada Baydhabo.
Shuceyb Cali Mursal ayaa isna lagu Xukumey 10 sano oo Xabsi Ciidan ah.
Guddoomiyaha Maxkamada Ciidamada Qalabka Sida Qeybta 60aad Gashaanle Sare Sheekh Aadan Abuukar Maxamed, ayaa ku dhawaaqay xukunka maxkamadda ka soo baxay.
Gacan ku dhiiglaha ayaa isla maanta waxay ku fulisay xukunka dilka ah ee lagu riday.
HOOS KA DAAWO VIDEO IYO SAWIRRO
