Ciidanka Boliiska Soomaaliya ayaa gacanta ku dhigay eedaysane baxsad ah oo loo heysto dil ka dhacay magaalada Nairobi ee dalka Kenya.
War qoraal ah oo lagu daabacay bogga Taliska Qeybta Guud Boliiska G.Banaadir ayaa lagu xaqijiyey arrintan
“Ciidanka Boliiska Soomaaliyed oo gudanaya waajib ka saaran ilaalinta sharuucda dalka ayaa soo xiray eedeysane baxsad ah laguna magacaabo Axmed Cabdiraxmaan Abdullahi kuna eedeysan inuu dilay Marxuum Maxamed Xasan dilkaas oo ka dhacay caasimadda Dalka Keyna ee Nairobi” ayaa lagu yiri qoraalka Booliska
Hay’adaha amniga waxay sheegeen in eedaysanaha la horgeyn doona Cadaalada hadii Allaha idmo.
Boolisku ma sheegin qaabka ay u suuragashay soo qabashada eedeysanaha iyo inuu jiro xiriirka iskaashi oo ay arrintan kala soo sameeyeen Booliska Kenya.
