Ra’iisul Wasaaraha Xukuumadda Jamhuuriyadda Federaalka Soomaaliya, mudane Xamsa Cabdi Barre iyo wafdi uu hoggaaminayo ayaa gaaray dalka Jabuuti.
Waxaa wafdigiisa ka mid ah Wasiiro, xildhibaano iyo masuuliyiin kale oo ka tirsan dowlada Somalia.
Ujeedka safarka Ra’isul Wasaaraha iyo wafdigiisa ayaa lagu sheegay ka qayb galka shirka sanadlaha ah ee Machadka Heritage oo ka fuirmaya dalka Jabuuti.
Madasha ayaa sanadkan diiradda lagu saarayaa kobcinta dhaqanka nabadda Geeska afrika taasoo saamayn u leh guud ahaan bulshooyinka gobolka gaar ahaan bulshada Soomaaliyeed.
